جديد !! تحضير كيك الشوكولا و الكريم لذيذة

تحضير كيك الشوكولا و الكريم لذيذة

تطبيق الاخت ام ادم

هاد الكيكة سهلة وحتى من الكريم إلا جاتكم صعيبة يمكن تعملو غي القشدة الطرية مع الشكلاط *مقادير الكيكة -200g شكلاط أسود مبن النوع الجيد -125g زبدة -100g طحين أبيض( فرينة ) -200g سكر عادي -6 حبات بياض متوسط الحجم -نصف كأس صغير حليب -كيس خميرة الحلوة *الطريقة -نضع الشكلاط +الزبدة على النار حتى يدوبو مع بعض ونخلوه جانبا -نفصل أبيض البيض عن الأصفر -نطلع أبيض البيض على شكل تلج مع وضع القليل من الملح -نعمل الأصفر +السكر ونضرب مزيان حتى يولي لون الخليط فاتح نضيف عليه الشكلاط مدوب مع الزبدة ونخلط ثم الطحين +الحليب ونرجع نخلط غادي الخليط يجيكم ثقيل عادي مين نضيف ليه أبيض البيض يولي خفيف نأخد الخليط ديال أبيض البيض ونضيفو على الخليط ديالنا ونحركو بملعقة غي بشوية حتى ما يبقاش يبان أبيض البيض وكلشي يمتزج مع بعض -نأخد مول دائري نغلفو بورق الطبخ ونحاول نعليه بش الكيكة تأخد حجمها وتجي عالية -ندخل الكيكة الفرن مسخن من قبل درجة الحرارة 180° مدة الطهي 30 حتى 35 دقيقة ندخل عود أو سكين ونتأكد من أنو الكيكة نضجت إلا خرج الموس ناشف -نترك الكيكة تبرد مزيان *مقادير الكريم-200ml كريم سائل يكون بارد مزيان -3 معالق كبار سكر -1 كيس شانتي فيكس هاد يخلي الكريم تشد شوية ماشي ضروري إلا مكانش معليش -200g شكلاط أنا عملت شكلاط الدهن بالبندق ممكن تيعملو نوتيلا أو تاخدو 200g شكلاط أسود عادي دوبوه وتخلوه يبرد -250G جبن الماسكاربون أنا ضفت هاد الجبن باش تجيني الكريمة عندها مداق زوين حيت أنا منبغيش غي الكريم شانتي هاكاك *الطريقة -نضرب الكريم السائل حتى نشوفو يثقال نضيف عليه السكر وشانتي فيكس وغي يجمع نضيف الماسكاربون والشكلاط ونضرب غي شوية حتى نحصل على كريم على شكل موس au شوكولا -نأخد الكيكة إلي لازم تكون باردة مزيان باش مين نجيو نقسموها ما تفرتتش المهم نقسمو الكيكة على نصفين نحضرو سيرو أنا عملت القهوة أحب مذاق القهوة وشكلاط ضروري ما تسقيو الكيكة مزيان باش ماتجيش ناشفة نعمل شوية الكريم ونغطي بطبقة تانية من الكيك وكذلك نسقيوه ونغطي بالكريم المتبقي لينا ندخلها التلاجة وحتى تجمع مزيان و ونخرجها نقاد لها الشكل أنا زينتها بالشكلاط الأسود وأنتم لكم حرية الإختيار في التزيين