جديد!! تحضير الفقاص البلدي بالصور

الفقاص البلدي ألذ منو ما فيش موضوع الاخت ام ريان جزاها الله عنا كل الخير

هاد الفقاص كيجي غزآآآآآل في المذاق او المنظر يصلح حتى للمناسبات نبداو بالمقادير و راه كيحط خير ربي .

المقادير:

كاس جنجلان محمر+ نصف كاس نافع مصهض شوي (عنداكم تحرقوه ) كاس الوز مغسول مزيان و نرقدوه في كاس حليب مع روح الزهر ماشي بزاف الوقت على ما نوجدو باقي المقادير و نستعملوه زلافة سنيدة + معلقة زبدة + 6البيضات + زلافة زيت + فاني + 2 خمارة + مليحة و أخيرا الدقيق هي و ما رفدت العجينة ما قاصحة ما خفيفة

الطريقة:

نخلطو جميع المقادير و نضيفو الطحين والخمرات نقسمو العجين على 6 كويرات اولا 7 و نحربلوهم و ندهنوهم بالبيض و شكلاط كاكاو نشرطوهم بالفرشيط و ندخلوهم الفرن على عافية مهيلة حتى يتنفخ و ينشف مزيان نعرفوه بلي طاب نهبطوه لتحت شوي و نخرجوه انا ملي برد قطعتو ديك ساعات بنسبة لي كيتشقق ليهم اوضعوه في بلاستيك و يغطيوه بمنيدل و يخليوه حتى للغد و يقطعوه بسكين ماضي و منبعد يتحمر و النتيجة بالصحة والراحة