جديد !! تحضير كاطو سواري للمناسبات

تحضير كاطو سواري للمناسبات

مقادير الجينواز : 4 بيضات 120غ السكر 100غ الدقيق 20غ النشا فاني. جينواز بالشكلاط: 4 بيضات 120غ السكر 80غ الدقيق 20غ النشا 30غ الكاكاو.

طريقة: نضرب البيض مع السكر والفاني بالطراب الكهربائي تقريبا 20د نضيف الدقيق المغربل مع النشا بالتدريج والخلط بواسطة ملعقة خشبية نصب الخليط في صينية الفرن مفروشة بورق الزبدة بشكل متساوي وندخلها الفران سخون وعلى درجة حرارة متوسطة لمدة 10د.

نفس الشئ لتحضير جينواز بالشكلاط.

نخلوهم ابردو ثم نقطعهم مستطيلات متساوية . مقادير كريمة الزبدة: 200غ الزبدة لينة ربع كاس زيت فاني السيرو اللي عبارة عن كاس السكر + نصف كاس ماء . 2 معالق كبار كاكاو

طريقة: نوضع الماء والسكر في كسرولة ونوضع فوق النار مهيلة حتى يعمل فقعات نطفيو عليه ونخليوه جانبا. نطرب الزبدة مع الزيت والفاني مزياااان ثم نضيف له السيرو اللي حضرناه وخلناه جانبا ونقصنا منه 2 معالق نطرب مزيان حتى نحصل على كريمة . نقسم الكريمة على 2 نصفها نضيف اليه الكاكاو مخلط مع 2 معالق السيرو اللي نقصناه في الاول ونطرب مرة اخرى. ناخد الجينواز اللي قسمناه مستطيلات.. ناخد مستطيل واحد من جينواز ابيض نوضع فوقه طبقة من الكريمة الزبدة طبقة سميكة بحال اللي في الصورة اللي وجهها اصفر ممكن نعوض كريمة الزبدة بكريمة شانتيي ونوضع مستطيل اخر من نفس الجينواز ونغطي الوجه بالقشدة طرية مضربة وندخلها الثلاجة حتى تبرد من بعد نخرجها ونعمل طبقة خفيفة من الناباج دافئ مضاف اليه ملون اصفر ناخد سكين نغطسوه في ماء دافئ مع مسحه عدة كل تقطيعة حتى نحصل على مستطيلات صغيرة نزينهم حسب الرغبة . الشكل الاخر اللي عبارة عن طورطات فسبق لي درجت طريقتهم في الطورطات بكريمة باتسيير والفواكه. الشكل اللي على شكل كويرة عبارة عن كيك اسفنجي في مول السيلكون مزين بالشكلاط . الشكل الاخر عبارة باتشو.. مقادير الباتشو : ربع لتر ماء 200غ الدقيق 100غ الزبدة 4 بيضات قبيصة ملح

طريقة: نوضع الماء والزبدة فوق النار هادئة حتى تذوب الزبدة نضيف الدقيق والملح مع التحريك جيدا حتى نحصل على عجينة متماسكة ونضيف البيض واحدة تلوى الاخرى حتى نحصل على عجينة رخوة ونخرجها بالجيب الحلواني على شكل كويرات صغيرة او على شكل مستطيلات ثم ندخلها الفران حتى تحمر ونخليوه حتى يبرد يزين بالكراميل او بالشكلاط او بالكريمة باتسيير او كريمة شانتيي كريمة كراميل: نوضع كاس السكر في كسرولة على نار مهيلة حتى يصبح لونه بني ثم نضيف اليه ربع كاس قشدة طرية نحرك شوية ونرفع فوق النار . التزيين حسب الاختيار..